Leikskólinn Árborg - endurgerð og færanlegar kennslustofur
Myndir
Hvað verður gert?
Leikskólinn Árborg er byggður í tveimur áföngum, sá fyrri var reistur 1962 og byggt við hann árið 1997.
Verkið felst í endurgerð og endurbótum á hvorutveggja eldra húsi og viðbyggingu. Í eldra húsi er um að ræða endurnýjun þakvirkis, glugga og loftræstri utanhússklæðningu. Á viðbyggingu einskorðast utanhússframkvæmdir við gluggaendurnýjun.
Báðir áfangar fá heildaruppfærslu að innan þar sem tekið er tilliti til nútímakrafna til leikskólahúsnæðis svo sem:
- Bætt kennslurými ásamt uppfærðri starfsmannaaðstöðu
- Hljóð-og ljósvist verður stórbætt
- Varmaskiptakerfi verður í loftræsingu
- Brunavarnir verða uppfærðar til nútímakrafna
- Flest allar lagnir eru endurnýjaðar, allar í eldra húsi en að hluta í viðbyggingu
- Við endurgerð leikskólans verður gerð krafa um notkun umhverfisvænna byggingarefna
Samhliða verður tveimur færanlegum kennslustofum komið fyrir á norðausturenda lóðarinnar. Stofurnar eru 69m2 og 92m2 á einni hæð ásamt 39m2 tengibyggingu. Kennslustofurnar verða fullsmíðaðar úr timbri og fluttar í heilu lagi á verkstað og tengdar saman með tengibyggingu. Kennslustofunum er ætlað að fjölga deildum á leikskólanum auk þess að bæta aðstöðu starfsmanna. Áætlað er að tilkoma kennslustofanna geti fjölgað börnum við leikskólann um rúmlega 20.
Hvernig gengur?
September 2026
Úrskurðarnefnd umhverfis- og auðlindarmála hafa tekið fyrir kröfu kærenda um ógildingu ákvörðunar byggingarfulltrúans í Reykjavík um byggingu færanlegra kennslustofa við Árborg. Kröfunum er hafnað. Fyrri úrskurði í málinu má finna hér og hér.
Áætlað er að framkvæmdum við smíði færanlegu stofanna verði lokið í október.
Júlí 2026
Lóðaframkvæmdir og hellulagning í gangi.
Í meginhúsi eru loftadúkar komnir í loft og verið að festa ljós og annað tilheyrandi í loft. Dúklagningu á gólf að mestu lokið.
Júní 2026
Byggingarleyfi komið fyrir færanlegar kennslustofur.
Maí 2026
Grafið fyrir brunnum og lögnum til að tengja færanlegu kennslustofurnar við aðalbyggingu.
Vinna innanhúss í aðalbyggingum í fullum gangi. Verið að panta innréttingar og hurðir.
Apríl 2026
Álgluggar þéttir og slagregnsprófaðir. Vinna innanhúss í gangi hjá smiður, rafvirkjum og blikksmiðum.
Mars 2026
Unnið að klæðningu að utanverðu. Vinna í gangi innanhúss hjá pípara, rafvirkja og málara.
Áætlað að framkvæmdum verði lokið fyrir haust.
Febrúar 2026
Vinna hafin við spörtlun og málun innanhúss. Fræst fyrir gólfhita í kjallara, gólfhitalagnir lagar og flotað yfir. Áframhaldandi frágangur kringum glugga. Vinna hafin við einangrun og klæðningu að utan.
Janúar 2026
Vinna hafin við færanlegar kennslustofur. Unnið að gluggaísetningu og frágangi kringum þá. Veitur grafa upp og leggja allar veitur inn í hús.
Desember 2025
Unnið í innveggjum og loftum. Vinna við gluggaskipti farin af stað. Byggingarleyfi úthlutað fyrir færanlegum kennslustofum.
Nóvember 2025
Fræst í gólf og gólfhitalagnir lagðar. Þak einangrað. Verkáætlun uppfærð til samræmis við uppsetningu færanlegra kennslustofa á lóð leikskólans. Milliveggir langt komnir.
Október 2025
Vinna við stoðveggi heldur áfram og vinna við milliveggi farin á fullt. Verið að vinna í stiga og ramp við norðurhlið hússins. Gluggar væntanlegir á næstu vikum. Ný verkáætlun verktaka gerir ráð fyrir verklokum í júní.
Ágúst 2025
Framkvæmdir halda áfram eftir sumarfrí. Verktaki er í jarðvinnu utanhúss og er að leggja gólfhitalagnir innanhúss.
Bygging og standsetning tveggja færanlegra kennslustofa á lóð leikskólans hefur verið boðin út og samþykkt að ganga að tilboði MG-Húsa.
Maí 2025
Framkvæmdir eru komnar á gott skrið og verktaki hefur lokið niðurrifi og förgun á þaki, og brotið fyrir lögnum. Unnið er að uppbyggingu á nýju þaki, uppsetningu burðarbita og þakklæðningar.
Mars 2025
Gerður hefur verið samningur við verktakann K16. Undirbúningur framkvæmda er í fullum gangi og gert er ráð fyrr að framkvæmdir hefjist í mars.
Janúar 2025
Útboð 16072 var opnað í endurgerð Árborgar 15. janúar.
Sex verktakar buðu í verkið og verið er fara yfir útboðsgögn og tilboð verktaka. Niðurstöður og samningur ætti að liggja fyrir í febrúar.
Til að nýta tímann fram að uppbyggingu og minnka áhættu á fyrirséðum verkum var ákveðið að bæta enn frekar í að hreinsa bygginguna að innan svo hægt væri að gera sér enn betur grein fyrir ástandi húsins. Hreinsun lauk um miðjan janúar.
Niðurstaða útboðs:
https://reykjavik.is/sites/default/files/2025-01/16072-arborg-endurgerd-husnaedis.pdf
Október 2024
Útboð verður auglýst í nóvember.
Reiknað er með opnun útboðs í Janúar 2025.
Júlí 2024
Hönnunargögn tilbúin.
Útboðsgögn eru í rýni.
Niðurrifi að innan lokið að mestu.
