Naustin (Tryggvagata-Hafnarstræti) - Gatnagerð og lagnir
Verkkaupar eru Reykjavíkurborg og Veitur.
Myndir
Hvað verður gert?
Jarðvinna:
Jarðvegsskipta á í götunni og því töluverður uppgröftur sem leiðir til þess að lokað verður á umferð bíla um götuna á framkvæmdatíma. Ekki er reiknað með að fleygun klappar verði umfangsmikil. Aðgengi gangandi að lóðum og inngöngum verður tryggt allan verktímann.
Veitur:
Gatan verður upphituð og snjóbræðsla lögð í allt göturýmið. Borgarlýsing verður uppfærð; nýir götuljósastrengir, stólpar og lampar. Lögð verður tvöföld fráveita sem tengd verður núverandi fráveitukerfi í Tryggvagötu og Hafnarstræti. Lagðar verða nýjar kaldavatnslagnir og hitaveitulagnir.
Yfirborðsfrágangur:
Nýtt yfirborð götu verður hellulagt ásamt gróðurbeðum og setbekkjum.
Hvernig gengur?
September 2026
8. september:
Lagningu hitaveitu er lokið og þessi vika fer í að fyllingar, gatnalýsingarvinnu og undirbúning fyrir 2. áfanga sem hefst í næstu viku. Þá verður unnið áfram í gatnalýsingu og byrjað að grafa fyrir stofnum snjóbræðslu
Ágúst 2026
11. ágúst:
Verkið er á áætlun. Unnið er að því að klára lagninu regnvatslagnar. Næst á dagskrá er undirbúningur fyrir hitaveitulögn.
17. ágúst:
Búið er að leggja allar stofnlagnir fráveituog vatnsveitu. Nú er unnið að því að undirbúa lagningu hitaveitu. Tengidagar hitaveitu verða í næstu viku.
25. ágúst:
Verkið er á áætlun.
Tengidagar fyrir hitaveitu verða fimmtudaginn 27. ágúst og fimmtudaginn 3. september.
Heitavatnslaust verður því frá klukkan 9-14 fyrri daginn og 9-16 seinni daginn á svæðinu kringum Naustin (sjá myndir), og er fólki bent á að hafa skrúfað fyrir alla heitavatnskrana og huga að innanhússkerfum, sjá nánar á heimasíðu Veitna (Heitavatnslaust við Tryggvagötu og nágrenni, Heitavatnslaust við Hafnarstræti og nágrenni).
28. ágúst:
Athugið að kaldavatnslaust verður við Hafnarstræti 5 þriðjudaginn 1. september milli 7 og 11 (sjá nánar á vef Veitna: Kaldavatnslaust við Hafnarstræti 5)
Júlí 2026
Framkvæmdir ganga samkvæmt áætlun.
Haldið var áfram greftri sunnan megin í Naustum. Grafið var niður á tengipunkt vatnsveitu og bráðabirgðakaldavatnslögn komið fyrir. Næst verður restin af fráveitulögninni komið fyrir og hún lekaprófuð, áður en farið verður í lagningu neysluvatns.
Júní 2026
Framkvæmdir eru hafnar.
Búið er að reisa girðingar, setja upp aðstöðusvæði og fjarlægja malbik af götunni
29. júní 2026:
Framkvæmdir ganga samkvæmt áætlun, mokað hefur verið eins djúpt og farið verður og búið er að leggja og þrýstiprófa regnvatnslögn. Í næstu viku verður farið í að moka jarðvegina á vatnslögnina og hefja vinnu við skólplögnina.
Maí 2026
Stefnt er að því að hefja framkvæmdir seinnihluta maí með undirbúningi og merkingum á verkstað.
Framkvæmdir eru hafnar
Apríl 2026
Startfundur var haldinn þann 28. apríl og verktaki stefnir að því að hefja vinnu eftir miðjan maí
